பவளவிழாவைத் தமிழ் மாநாடாக நடத்திய தமிழ்ச் சங்கப் பேரவைத் தலைவர் செ. துரைசாமி!

தமது பவளவிழாவைத் தமிழ் மாநாடாக நடத்திக் கொண்டாடிய அகில இந்தியத் தமிழ்ச் சங்கப் பேரவைத் தலைவர் துரைசாமி!

75ஆம் ஆண்டு பிறந்தநாள் விழாவைத் தமிழுக்கும் தமிழ்ச் சங்கங்களுக்கும் பெருமை சேர்க்கும் விழாவாக மாற்றிய தமிழ்ப்பற்றாளர்!

கோவை, நவம்பர் 3, 2026:

தமது 75ஆவது ஆண்டு பவளவிழாவைத் தனிப்பட்ட பிறந்தநாள் கொண்டாட்டமாக நடத்தாமல், தமிழ்மொழிக்கும் தமிழ்ச் சங்கங்களுக்கும் பெருமை சேர்க்கும் வகையில் தமிழ் மாநாடாக நடத்திக் கொண்டாடியுள்ளார் அனைத்திந்தியத் தமிழ்ச் சங்கப் பேரவையின் தலைவர் திரு. செ. துரைசாமி.

உலகத் தமிழ்க் காப்புக் கூட்டியக்கம் மற்றும் அனைத்திந்தியத் தமிழ்ச் சங்கப் பேரவை இணைந்து ஏற்பாடு செய்திருந்த இந்தப் பவளவிழா, அக்டோபர் 31ஆம் தேதி கோவை மாவட்டம் சரவணம்பட்டி சிரவணபுரம் கவுமார மடாலய அரங்கில் நடைபெற்றது.

தமிழறிஞர்கள், தமிழ்ச் சங்க நிர்வாகிகள், இலக்கியவாதிகள், பேராசிரியர்கள், தமிழ்ப்பற்றாளர்கள் உள்ளிட்ட பல்வேறு தரப்பினரை ஒருங்கிணைக்கும் வகையில் நாள் முழுவதும் பல்வேறு அமர்வுகளுடன் விழா திட்டமிடப்பட்டிருந்தது.

தனிமனித விழாவைத் தமிழர் விழாவாக மாற்றிய துரைசாமி!

பொதுவாகப் பவளவிழாக்கள் ஒருவருடைய வாழ்க்கைப் பயணத்தையும் சாதனைகளையும் பாராட்டும் நிகழ்வுகளாக அமையும்.

ஆனால், அனைத்திந்தியத் தமிழ்ச் சங்கப் பேரவையின் தலைவர் துரைசாமி தமது பவளவிழாவைத் தமிழ்மொழி, தமிழ்ச் சங்கங்களின் செயல்பாடுகள், தமிழ் இலக்கியம், தமிழர் பண்பாடு ஆகியவற்றை முன்னிறுத்தும் மாநாடாக அமைத்திருந்தது குறிப்பிடத்தக்கது.

விழாவில் தொடக்கவுரை, பொழிவரங்கு, பொதுவரங்கு, வாழ்த்தரங்கு, நிறைவுரங்கு எனப் பல்வேறு அமர்வுகள் இடம்பெறும் வகையில் ஏற்பாடுகள் செய்யப்பட்டிருந்தன.

அரங்கில் தமிழ்ச் சான்றோர்கள் தொல்காப்பியர், திருவள்ளுவர், ஔவையார், தேவநேயப்பாவாணர், மனோன்மணியம் சுந்தரனார், கி.ஆ.பெ.விசுவநாதம், உ.வே.சா ஐயர், ஜீவா, திரு.வி.க, மு.வரதராசனார், குன்றக்குடி அடிகளார், இளங்குமரனார், மறைமலை அடிகள், பெருஞ்சித்திரனார் உள்ளிட்ட படங்கள் ஆளுயரப் பதாகைகாளாக வைக்கப்பட்டிருந்தன

தமிழறிஞர்கள் பங்கேற்ற பவளவிழா!

விழாவின் தொடக்க அமர்வில் உலகத் தமிழ்க் காப்புக் கூட்டியக்கத்தின் துணைத் தலைவர் புலவர் கா.ச. அம்பலவாணன் வரவேற்புரை நிகழ்த்த, பேராசிரியர் முனைவர் சி. சுப்பிரமணியம் தலைமையேற்றார்.

பேரூர் ஆதீனத்தைச் சேர்ந்த தவத்திரு சாந்தலிங்க மருதாசல அடிகளார், சிரவை ஆதீனத்தைச் சேர்ந்த தவத்திரு இராமானந்த குமரகுருபர அடிகளார் ஆகியோர் அருளாசி வழங்கினர்.

தொடர்ந்து நடைபெற்ற பொழிவரங்கில் தமிழ்மொழியின் பெருமை, உலகத் தமிழர் ஒற்றுமை, தமிழ்ச் சங்கங்களின் பங்களிப்பு ஆகியவற்றை மையமாகக் கொண்ட உரைகள் இடம்பெறும் வகையில் நிகழ்ச்சி அமைக்கப்பட்டிருந்தது.

தமிழும், தமிழ் படும் பாடும்!

பொதுவரங்கிற்கு ‘தமிழும், தமிழ் படும் பாடும்’ என்று தலைப்பிடப்பட்டிருந்தது.

தமிழ்மொழியின் இன்றைய நிலை, அதன் வளர்ச்சிக்கான தேவைகள், தமிழ்ச் சங்கங்களின் செயல்பாடுகள் ஆகியவற்றை விவாதிக்கும் நோக்கில் இந்த அமர்வு அமைக்கப்பட்டிருந்தது.

அதேபோல வாழ்த்தரங்கில் பல்வேறு தமிழ்ச் சங்கங்களைச் சேர்ந்த நிர்வாகிகள், தமிழறிஞர்கள் மற்றும் தமிழ்ப்பற்றாளர்களுக்கு இடமளிக்கப்பட்டிருந்தது.

நிறைவுரங்கில் பேராசிரியர் ந. விசயசுந்தரி உள்ளிட்டோர் பங்கேற்கும் வகையில் நிகழ்ச்சி நிரல் அமைக்கப்பட்டிருந்தது.

உலகத் தமிழர் ஒற்றுமைக்கு எடுத்துக்காட்டு!

தமிழ்மொழி என்பது தமிழ்நாட்டின் எல்லைக்குள் மட்டும் அடங்கிவிடுவதில்லை.

உலகெங்கும் வாழும் தமிழர்களின் மொழி, பண்பாடு, வரலாறு, இலக்கியம் ஆகியவற்றை இணைக்கும் அடையாளமாகத் தமிழ் விளங்குகிறது.

இந்த அடிப்படையில் பல்வேறு பகுதிகளில் செயல்படும் தமிழ்ச் சங்கங்களை ஒருங்கிணைப்பதும், தமிழறிஞர்களை ஊக்குவிப்பதும், தமிழ்மொழியின் வளர்ச்சிக்காகப் பணியாற்றுவதும் முக்கியமான பணிகளாகும்.

அத்தகைய பணிகளை முன்னிறுத்தும் வகையில் தமது பவளவிழாவை அமைத்திருந்த துரைசாமியின் அணுகுமுறை பாராட்டுக்குரியது.

பிறந்தநாளிலும் தமிழுக்கே முன்னுரிமை!

75 ஆண்டுகள் என்பது ஒருவருடைய வாழ்க்கையில் முக்கியமான மைல்கல்.

அந்த மைல்கல்லைக் கொண்டாடும் நேரத்திலும் தன்னை முன்னிறுத்துவதைவிடத் தமிழையும் தமிழ்ச் சங்கங்களையும் முன்னிறுத்தியிருப்பது துரைசாமியின் தமிழ்ப்பற்றை வெளிப்படுத்துகிறது.

தனிமனிதப் பாராட்டு விழாக்கள் சமூகத்திற்கும் மொழிக்கும் பயனளிக்கும் நிகழ்வுகளாக அமைய முடியும் என்பதற்கு இந்தப் பவளவிழா ஓர் எடுத்துக்காட்டாக அமைந்துள்ளது.

இந்திய அளவில் உள்ள பெரும்பாலான தமிழ்ச் சங்கங்களின் பிரதிநிதிகள் இந்நிகழ்வில் கலந்து கொண்டனர்.

தமது பவளவிழாவைத் தமிழ் மாநாடாக நடத்தித் தமிழ்மொழிக்கும் தமிழ்ச் சங்கங்களுக்கும் பெருமை சேர்த்த அனைத்திந்தியத் தமிழ்ச் சங்கப் பேரவைத் தலைவர் செ. துரைசாமி அவர்களுக்கு தமிழ் ஊடகம் தனது பாராட்டுகளையும் வாழ்த்துகளையும் தெரிவித்துக் கொள்கிறது.